Deseño de cursos de formación teatral á medida das túas necesidades, partindo sempre da idea de potenciar a creatividade propia.

 

Queres ver algunhas opcións?

 

• CONTACONTOS EN FAMILIA. Obradoiros de contacontos para nenos e familiares. Aprende a contar contos con ferramentas teatrais para levar para a casa... e con moito ritmo!

• POESÍA ESCÉNICA. Libera a túa capacidade poética cun curso de formación que racha as túas cadeas internas. Aprenderemos a berrar todos, sen vergoña de poñer voz ao que nos sae de dentro.

• VITAMINA T (DE TEATRO). Obradoiro de formación teatral... para pasalo ben. Ideal para todo aquel que necesite un bo chute de Vitamina T na súa vida!

• RECURSOS TEATRAIS. Obradoiro deseñado para Grupos de Teatro Afeccionado que queiran aprender novos recursos teatrais cos que abrir as súas posibilidades expresivas ou rachas coas rutinas habituais.

• TEATRO PARA AVESTRUCES. Obradoiro pensado para romper coas vergonzas, desinhibirse, gañar presenza escénica, bailar sen remordementos, dominar o noso corpo, cabaretear...

• PERFORMANCE. Aprende técnicas coas que chamar a atención en rúa ou coas que contar a través da performance o que queres contar. Un curso que libera as túas ideas con novas ferramentas teatrais.